【宜蘭縣培育台語家庭計】2026頭城大溪國小暑期台語生活營 頭家親身出馬啦！

【宜蘭縣培育台語家庭計】2026/07/29

#2026頭城大溪國小暑期台語生活營

頭家親身出馬啦！

宜蘭頭城大溪國小真正足有家己ê特色，

學校佇咧海佮鐵枝路邊仔，佮龜山島相對看，

有山有海，是真媠ê學校。

我ê任務是佇咧一禮拜五工ê台語營隊內底，

利用阮原創ê #笑咍咍台語發音玲瑯盒仔

台語教材來𤆬三節課。

阮有攢真濟物件嘛有訂好教學計劃，

但按照囡仔ê反應佮程度來決定內容，

雖然較忝，希望會當真正共囡仔鬥相共。

自我介紹先開二十分鐘一ê一ê

聽囡仔欲別人按怎叫伊，

主要是愛了解囡仔ê台語程度佮配合度。

這陣囡仔以大溪國小為主，濫其他附近學校，

年歲自升二年仔到升五年仔攏有，

毋但年歲差誠濟，

台語聽講能力ê程度全無仝款，

聽起來真濟人本土語言課是選台語，

有一寡看起來是完全聽無，

有一寡是會曉聽袂曉講，

遮佮前兩工 #四結教會 分齡、

而且有基本台語聽講能力ê囡仔無仝，

按呢耍ê內容就愛調整矣！

這擺阮猶原保持#全台語，

干焦陪in三節課ê人，會當為in做啥物？

選擇看ê著海ê開放式空間上課，

佇咧歌仔戲ê起源地—宜蘭，

鬥陣唱 #秀才秀才騎馬弄弄來 耍馬鞭，

這首老歌對in來講是新歌，

有一寡人甚至無聽過kua-á-hì，

毋過tsín熱、食nuī、食puīnn

閣佇咧in ê生活中，希望in會當

感受地方腔口ê溫暖佮力量。

———

比起「騎馬」，in對音樂佮樂器閣較有反應，

阮用 #莊雅雯老師 ê #台語字母歌 改編，

配合笑咍咍ê台羅牌卡，

每一ê人攏愛詳細聽別人ê講到佗位，

輪流開喙，唱到佗位，講到佗位，一直餾，

原曲是Twinkle, Twinkle, Little Star；

頭、肩胛頭考驗反應佮注意力，

原曲是Head, shoulders, knees and toe；

《兩粒饅頭》原曲是Frère Jacques；

閣有 #母音節奏唸謠 ，

利用囡仔已經知影ê曲來降低生疏ê感受；

以字母歌為主體，耍沙鈴、傳西瓜球，

閣有自願ê手鐘樂器組佇咧邊仔配樂，

奏甲離離落落，耍甲歡歡喜喜。

分組卡牌對戰，為著欲贏，

聽有ê一寡囡仔開始鬥翻譯🤣，

in較知影啥人是真正完全聽無，

但若是我逐句翻譯，時間就無去一半以上，

今仔日目標是 #台羅字母速成班 ！

佇咧四結教會會使直接教聲符，

但佇咧學校，圖卡ê圖就真重要，

可能因為聽無啥有，一開始感覺叫袂振動，

逐擺改換隊形成本攏誠懸，

原本設計一寡物件就攏刣掉，

改做in會當接受ê形式。

———

原本教室佇咧三樓，改做佇咧一樓吹海風，

雖然阮

Le Second Floor Kids Studio 樂暢親子共學空間嘛是咧室內，

但我是感覺無想欲上課ê人就算關咧教室，

嘛是踢桌仔椅仔抑是規ê走出去，

佇咧一樓，下課會當隨傱出去耍，

無直接曝著日，閣一直有風，

歇熱無其他囡仔攪擾，真正是真好ê所在！

囡仔嘛對家己開講家己--ê，看家己ê手，

搶欲講話，抑是無愛講話，沓沓仔願意參與，

想欲提禮物，著愛講台語，

一人一ê，色水無佮意，會使佮同窗仔換色；

印象siōng深是有一ê查某囡仔活動開始ê

時陣，一直佮隔壁講話：「人類為什麼沒有三隻腳？如果有三隻腳不會跑的比較快嗎？⋯」

伊哭講，無佮意黃色ê𨑨迌物！😂

為啥物袂使家己揀色！這毋是藍色--ê⋯

為啥會卡咧遮🤣？

我無因為伊哭就換予伊，是講會使佮人換，

但別人會當決定敢想欲換。

「攏無人欲換😂😂😂」你ê想法我聽著，

後一輪閣有別項物件你會使家己揀。

邊仔一ê阿兄講：

「你要就收下，不喜歡可以還給老師」

坦白講這嘛是這種解法。

這ê查某囡仔就坐咧我邊仔，

自一直講家己改變態度，認真聽，

閣替我管其他較gi̍kê囡仔，

家己講欲替我提牌仔翕相。

尾仔閣真正有一位好笑神閣善良ê囡仔，

家己願意將藍色ê 𨑨迌物佮伊交換呢！

閣有另外一ê是一直搶欲講話，

感覺無法度控制家己，

一觸久仔叫別人叫伊阿公，

一觸久仔講家己叫帝君，

用糞埽當做假喙鬚🤣，

「好啦好啦帝君，這馬毋是你講話ê時間！

是別人練習ê時間！」

無愛耍ê人就負責算分數，

盡量予逐家攏參與著，

台北專工到宜蘭，路頭雖然誠遠，

無論城市抑是海邊仔，

我用台語真心、誠心佮囡仔交陪，

無論是啥物年歲佮程度，

用圖用聲去創造台語ê環境，

予人感覺辦這種營隊足有意義，

三節課無可能雄雄變做偌厲害，

阮是希望囡仔「有印象」、「捌聽過」，

短時間內，對台羅字母小可有概念。

「目睭瞌瞌，沓沓仔吸氣！吐氣！

毋通放屁喔！吸氣！吐氣！吸氣，放屁？

弱真正欲放，莫予別人鼻著」😆😆😆

比起海，我代先鼻著ê是草ê味呢！

對無法度確定人數、程度，

年歲閣差誠濟ê情形下，雖然足忝--ê，

看著囡仔ê態度轉變，

就感覺真有價值，才三節課爾呢！

感謝這ê計畫，予阮有機會佮這寡囡仔見面！

———

感謝阮翁鬥顧囡仔，

紅肉佮阿比互相照顧，

這場真正顧袂赴顧in，

邊仔空間足大，

看龜山島就會當看五分鐘。

雖然阮翁講伊請假三工根本袂和，

囡仔𤆬咧身軀邊，看著大人咧拍拚，

一家伙仔鬥陣，

這是無仝款ê學習，

是有錢嘛買袂著ê經驗，

珍惜囡仔佇咧身軀邊ê日子。

這擺運氣誠好，三工攏好天，

友善台語店家後篇才閣介紹。

———

我問紅肉講，

整體來講感覺敢有啥物所在愛調整--ê？

抑是有啥物感受。

伊講：「我較佮意 蔡秋芬老師ê課，閣有有一寡囡仔足phî--ê，我今仔日足辛苦--ê，一直𤆬阿比莫去揣你，予你會當專心做代誌！」

我知影！！我嘛足佮意秋芬ê，

我敢毋是一直想辦法請伊來教你！

阮本來就是無仝款ê，

我嘛佮意 陳豐惠、賴昭男、

Coody Chiu老師啊！

in攏是我ê老師啊！攏足厲害--ê，

但是阮本來就是無仝款ê人啊.

咱毋免等「準備好矣」才行動，

每一ê人，佇咧無仝所在，

用無仝方式拍拚，

這是咱每一ê台灣人攏會當做ê代誌。

———

佇咧遮嘛向 曬太陽文化創研社致意，

執行計劃真辛苦，

但我相信這一切拍拚，

對可能英語比台語好ê囡仔來講，

是非常有意義ê代誌，

咱毋知影這馬ê付出，

未來會開出啥物款ê花蕊，

因為按呢予人足期待--ê！🫶🏻 

#宜蘭縣培育台語家庭計畫

#2026頭城大溪國小暑期台語生活營

#文化部 #宜蘭縣政府 指導

#宜蘭縣政府文化局 主辦

#大溪國小 協辦

曬太陽文化創研社 協辦

#頭家教學日記 #歡迎邀約

#原創教材 #笑咍咍台語發音玲瑯盒仔 系列商品