【 你又沒教我講台語 】
08/11/2026

【 你又沒教我講台語 】
台語囡仔 ê 譀古日常
阿爸 ê 兄弟姊妹大部份是70歲左右,
前幾工仔逐家鬥陣去食外口,開三桌。
阮攏佮囡仔講台語,佮平常時仔仝款;
餐廳 ê 工作人員講無聽過囡仔遮 gâu 講台語,
這種奇怪 ê 呵咾嘛佮平常仔時仝款。
那食飯那開講,
阮一 ê 阿嬸雄雄講:
「 阮咧講應該愛開班請你 ê 囡仔教阮台語 」。
阮家族攏是講台語 ê,
聽伊按呢講,我心內真著驚,
畢竟⋯
阿爸阿母彼沿 --ê,
是閣有自然語感 ê 世代。
我除了講:「你是咧講啥啦!😂 」
「 講啥物耍笑 ?」
「按呢嘛 siunn 譀--矣!」
一句話就講袂出來。
伊補充講,
阮兜三歲囡仔台語講了比伊閣較好。
我心內真正感覺足奇怪--ê。
另外一 ê 阿嬸坐咧對面,
講對 in 查某囝講:
「你看你都不會講台語!」
已經準備結婚 ê 叔伯小妹直接笑笑仔黜轉去:
「你又沒教我!你又不跟我講台語!
你看這樣一句一句教耶!」
紲落來,
這寡 ê 親族閣講我做學生 ê 時陣,
台語嘛講甲有夠 lóo--ê ,
確實是按呢,
畢竟⋯
「你又沒教我!」
#啥人教啥人
#講台語過生活 #日常觀察
#孫教媽 #譀古代
#囡仔袂曉講台語是大人ê問題
